شموع لا تنطفئ
اعتزل مايؤذيك
دا القرار الوحيد الصح اللى ممكن تاخده فى حياتك
خلى عندك شجاعة الاستغناء
استغناء عن اى حاجة تاذى روحك
وقلبك وصحتك ونفسيتك
استغنى عن اى حد يستنفذ طقتك ومجهودك
ويكون ضغط على اعصابك
ابعد عن اى حاجة ممكن توصلك لدرجة الانهيار
لان وببساطة ماحدش حينفعك
وماحدش حيزعل عليك غير نفسك
لو حد زعل عليك حيكون لوقت وحتتنسى
زيك زى اى حاجة كانت حلوة وانتهت
يقولون أنه لن تعرف قيمة الأشياء إلا بعد فقدها
ولكن عندما تفقد الكثير من الاشياء
ستجد أنك المخطئ
لأنك جعلت قيمة كبيرة لمن لا قيمة له
عندما يُؤلمكَ القربُ ابتعد
فالبعدُ لا يكون بُغضاً إنما مسافةً تتركها لقلبك
حتى لا تتألمَ أكثر
إبتعد مهما كان هذا الشخصُ نورك
فالمصباحُ الذي يمنحُ الفراشة نوراً يحرقها
إذا ما بالغتَ في الإقتراب
البعدُ ليس دائماً خساره إنما هو مسافةُ أمانٍ
تتداركُ بها نقصك وتُعيدك إلى رسمِ خطوطٍ
واضحةٍ للحب للأقرباء للصداقه
مسافةُ أمانٍ تُعيدُ لقلبك توازُنه
ولروحك سلامها
كل اللي أتطلقوا وواقفين في المحاكم لبعض
كانوا عاملين فرح وبيرقصوا
كل اللي بيعايروا بعض كانو في يوم من الايام اصحاب
والمعايره دي كانت فضفضه
واسرار بيحكوها لبعض عشان في ثقه
كل اللي شمتان في ابتلاء عندك
كان بيواسيك عليه زمان وانتوا حبايب
كل اللي ماشي يبوظ في سمعتك قدام الناس
كان بيقولك زمان اللي بيتكلم عليك دا غيران منك يا صاحبي
كل اللي فضحك كان زمان بينصحك
وعامل حبيبك وخايف عليك
كل اللي شتمك كان زمان بيشتم اللي يشتمك
ويجيب سيرتك
كل اللي قلب عليك فجأة كان أقرب حد ليك
كل اللي بيحسدك كان بيقولك
قول الاذكار كل يوم وربنا يحفظك
بلاش نثق في البدايات عشان النهايات تقهر
شكرا لأي حد خرب مكانته بنفسه
وريحني من تأنيب الضمير
متحاولش مع اللى مابيحاولش
وماتمسكش فى اللى مابيمسكش فيك
ومتديش اللى اتعود ياخد و بس
عود نفسك دايما متعملش الحاجة الا لو كانت متبادله
ساعات الغلط بيكون منك
علشان أنتَ اللي عودتهم إنك مبتزعلش ومبتطلبش
كونی أنتی
اوعی حد يغيرك أو يسحب طاقتك كل يوم
اسألی نفسك الصبح فی نور الشمس أنتی مين ؟
وعايزة من الدنيا ايه ؟
حبی راجل
حبيه اوی مهما حصل اهزمی الخوف أن الحب بيموت
حتی لو خلص هيتولد احساس بقوة اكبر لراجل غيره
دايما حبى
البسی كل اللی يريحك
البسی ألوان كتير ولبس مريح الكون ملكك
حبی جسمك اتخلقتی أجمل مخلوق علی الارض
العبی رياضة وكلی اللی تحبيه
احضنی البشر من جوا قلبك وخليكی قوية
ابعدی عن كل الطاقة والبشر السلبية
عبری عن رأيك بصوت عالی مهما حصل ماتكدبيش
اوعی تكدبی ابدا فتتغيری وتضيعي من نفسك
اقری القراية قوة ودماغ شغالة
ماتشليش فيشة عقلك وتبقی مربوطة فی ساقية
اتعلمی واقری وسافری
واتفرجی علی الكون بقلب وعين مفتوحين
اطبخی واكلی حبايبك
غذيهم حب هيطمر فيهم الهنا احضنيهم
اسمعی مزيكا وسرحی شعرك واسجدی وسبحی كتير
قوی الروح اللی جواكی
ارتبطی بالزرع والسما ونور الشمس
وسيبی الناس والتليفزيون والفيسبوك
ماتفكريش مين مات ومين مرض ومين تاه ومين رجع
الكون له رب بيمشيه ونظام متزن وأنتی بس جزء من الدايرة
قوی الحبل اللی بينك وبين ربنا علشان ماتوهيش
هتتخذلوا من ناس كتير وربنا هيعوضكم بالاحسن
و الانضف منهم
اهم حاجة انكوا تخرجوا من كل قصة كسبانين اصلكم الطيب
ومعدنكم الاصيل
هتلاقوا ناس من ربنا عوض ليكم تكمل معاكم
ناس بتسال عليكم ويتطمنوا ويقفوا معاكم
وقت الشدة والمحنه بدون اي مصلحة تجمعكم
دايما ربنا لما بيبعد عنك حاجه
بيعوضك بحاجه احلي منها بس الصبر
العلاقات الإنسانية معمولة عشان نرتاح ونتبسط
عشان نحكي براحتنا ونقول اللي جوانا
عشان لما نتخنق نجري نتصل بيهم
من غير ما نشيل هم انهم هيلومونا
ويقولوا علينا مبيفتكروناش غير في المشاكل
عشان لما نبقى مش قادرين نشوف حد
او نرد على حد يفهمونا..
ولما نرجع وسطهم تاني يتعاملوا معانا كإن محصلش حاجة
عشان نتكلم معاهم من غير ما نفكر في الكلام مليون مرة
قبل ما نقول حرف منه
عشان نحكي معاهم في كل اللي قانون "مينفعش"
مانعنا نقوله او حتى نحس بيه
عشان نبقى على طبيعتنا معاهم
وعادي نسمح لملامحنا تاخد نفس شكل اللي جوانا
العلاقات الإنسانية موجودة عشان نكمل بعض
عشان نملى بعض طاقة إيجابية
عشان نفرح بعض وقت الزعل ونقوي بعض وقت الضعف
ونضحك بعض وقت البكا
عشان لما نشوف رقمهم نفرح
ولما نقابلهم نحس اننا مرتاحين
ولما نحكي معاهم نحس اننا خلصنا م الهم والتفكير
احنا موجودين في حياة بعض عشان نسعد ونساعد
ونساند ونريح بعض
مش عشان ننكد ونكسر في بعض
