عارف
أنا في كل مرة ببقى عاوزة أمشي
وأنهي العلاقة دي تماما
بس كان في حاجة دائما بتخليني أستنى
رغم انى ببقى جايبة اخري
بقول استني يمكن في حاجة المفروض تتعمل لسة معملتهاش
يمكن المرة دى دموعك تنفع يمكن ضعفك يشفع
طيب يمكن جبروتك يهد جواه الأنا والتعالي
يمكن المرة دى يحس إنك هتمشي خلاص !!
ومش رجعاله
طب يمكن تلمسي قلبه ويحس بيكي
استنيه اصبري عليه طبطبي
كل مرة بستنى كنت بتحدى فشلي في تغييره
وبردو مكنش بيتغير
أنا لما مشيت مشيت بعد ما خلصت كل حاجة
ماتصدقيش لما يقولولك عنِّي إني بيعته في أول محطة
أنا استنفذت كل محاولاتي
اوعوا تصدقوا إن الست بتسيب بسهولة
ليست هناك تعليقات:
إرسال تعليق