أكتر حاجة عملتها في حياتي وندمت عليها
هى العمر اللي ضاع في المكان الغلط وسط الناس الغلط
ف ياريت متتسرعوش
و متحكموش علي الناس انهم جدعان وولاد اصول
ومتربين بمجرد شويه مدح و مظهره كدابه
اعرفوهم وقت الزنقه وقت الشده وقت المحنه
وقت المرض وقت الحزن
جرب بس اتحط مع حد في موقف صعب من دول
وشوف مين حقيقي ومين الفالصو
الناس كلها حلوه وقت الضحك والهزار والخروج لكن
وقت الخلاف وتعارض المصلحه كله بيطلع اللي جواه
وبيظهر علي حقيقته وجواهم يخوف
يارب أكفينا شر الحيرة وشر تقل الروح
وأكفينا يارب شر المعافرة ف الطريق الغلط
وأنتظار اللى مش جاى والعشم اللى بيقلب بخيبة أمل
اللهم أكفينا شر لطفاء المظاهر خبثاء النوايا
أكفينا شر التوهة في الوحدة
والتوهة من غير سبب
وأكفينا شر السندة على حيطة مايلة
وأكفينا شر وجع القريب قبل الغريب
وأكفينا شر السندة على كتف هيخذلنا
وشر ماسكة الأيد اللي تاخدنا لطريق مبيكملش
وأكفينا شر الفرحة لو ناقصة مش دايمة
والفرحة اللي آخرها وجع
اللهم أكفينا شر فواجع الأقدار وأكفينا شر خلقك يارب..
ليست هناك تعليقات:
إرسال تعليق